Dayuuradaha aan duuliyaha lahayn ee Drones-ka ayaa weeraray oo dab qabadsiiyey laba warshadood oo kuwa shidaalka ah oo ay leedahay shirkadda dawladda ee Aramco dalka Sacuudiga
Muuqaallo goobahaa laga soo duubay ayaa muujinaya olol iyo qiiq ka kacaya Abqiiq oo ah warshadda ugu weyn dunida ee saliidda sifaysa.
Weerar labaad oo ay qaaday diyaarad aan duuliye lahayn ayaa isna lagu ekeeyey warshadda shidaalka ee Khurays oo ku taalla galbeedka Sucuudiga.
Dabkii ka kacay labada warshadood ayaa haatan la xakameeyey sida warbaahinta dawladu sheegtay.
Degaalyahanada Xuutiyiinta Yemen ee Iran taageerto ayaa ka dambeeyey weerarkan iyo weerarro kale ah hore loogu eedeeyey.
Hase yeeshee warbaahinta Sucuudigu ilaa haatan may sheegin cidda weeraradan haatan dhacay ka dambaysa.
“Abaaro 7:00 subaxnimo ayaa waaxda badbaadada ee Aramco waxay bilowday inay Bakhtiiso dab ka kacay laba wershadood oo ku kala yaal Abqiiq iyo Khurays, waxaana dabkaasi huriyey weerarro diyaarado aan duuliye lahayn ku qaadeen goobahaas” ayey tiri wakaaladda wararka ee Sacuudigu.
Xuutiyiinta Yemen ayaa bilahan dambe xoojiyey weerarada ay ku hayaan gudaha Sacuudiga ee ay u adeegsanayaan gantaalo iyo dayuurado Drones ah, iyadoo arintan ay walaac ku abuurtay dowlada iyo shacabka dalkaas.
Xafiiska Shabakada Allbanaadir.com
Muqdisho Somalia
Allbanaadir@live.com
