Waxaa saaka degan xaalada degmada Wanle-weyn ee gobolka Sh/hoose ka dib dagaalo shalay oo dhan ka socday gudaha iyo hareeraha degmadaas.
Dagaalkan ayaa dhexmaray maleeshiyooyin iska soo horjeeda oo isku heystay maamulka Isbaarooyin lacago looga qaado gaadiidka dadweynaha oo duleedka degmadaas yaalla
Ugu yaraan shan qof ayaa la xaqiijiyay inay ku dhinteen dhowr kalena ay ku dhaawacmeen dagaalkan, waxaana jira qoysas badan oo degmadaas ka barakacay.
Maleeshiyooyinka dagaalamay ayaa isku hor fadhiya gudaha degmada Wanle-weyn, waxaana weli taagan xiisad colaadeed inkastoo qaar ka mid ah waxgaradka iyo masuuliyiinta degmadaas ay wadaan dedaalo lagu qaboojinayo xiisada.
 Halkan ka Daawo wararka Allbanaadir Online oo Muuqaal ah
Xafiiska Shabakada Allbanaadir.com
Muqdisho-Somalia
Allbanaadir@live.com
