Afar Ruux oo Soomaali ah oo uu ka mid yahay Aqoonyahan Ibraahim Bursaliid oo Arbacadii ay xireen Ciidamada Sirdoonka dalka Kenya ayaa maanta la horkeenay Maxkamad ku taalla Magalada Nairobi ee caasimadda Kenya.
Dadkan ayaa Kenya waxay ku eedeysay inay xiriir la leeyihiin waxa dalalka Reer Galbeedka ugu yeeraan argagaxisada, waxayna kala yihiin, Maxamuud Maxamed Bashiir, Cali Cabdi Maxamed, Xuseen Xasan Maxamuud iyo Ibraahim Qaasim Faarax (Bursaliid).
Garsooraha Maxkamada Milimani ee magaalada Nairobi garsoore Peter Okoo ayaa amray in Afarta Ruux ee Soomaalida ah lagu sii haayo Xabsiga mudo Afar Cisho ah, isagoo xeer ilalainta ka dalbaday iney keenaan cadeymo buuxa oo la xiriirta dembiga loo heysto raggan oo Maxkamadeyntooda dhici doonto 12-ka Bishan.
Hoyga Aqoonyahan Ibraahim Qaasim Faarax (Bursaliid) ayaa la sheegay laga helay Baasaboor Jabuutiyaan ah, warqadaha gudiga doorashada afar taleefan Card-ka aqoonsiga qaxootiga ee loo yaqaan Alien-ka iyo Copy-ga laba Kibandho oo sharciga Kenya ah sida ay qoreen warbaahinta Kenya.
Xafiiska Shabakada Allbanaadir.com
Muqdisho-Somalia
Allbanaadir@live.com
