Koox hubeesan ayaa weerar ku qaaday masaajid kuyaala deegaanka Maza-Kuka oo kuyaala gobolka Neyjar ee Galbeedka Dalka Nageria , waxaana weerarkan ka dhashay khasaaro badan oo isugu jira dhimasho iyo dhaawac.
Inta la xaqiijiyay weerarkan lagu qaaday masjidka xili salaada subax la dukanayay waxaa ku dhintay 18-qof halka ay ku dhaawacmeen tiro kale, dadka dhaawacyada qaarkood ayaa la sheegay in dhaawacyo culus qabaan.
Dableyda hubeesan oo watay mootooyin ayaa gudaha u galay masjidka kuyaala deegaanka Maza-Kuka xiliga salaada subax, waxa ayna kooxda hubeesan si aan kala sooc laheyn u beegsadeen jameecadii masjidka ku jirtay.
Weerarkan ayaan wali la shaacin cida ka dambeesay , waxaana dalka Nageria kusii badanaya weerarada ay geestaan kooxaha hubeesan kuwaa oo xiliyada qaar dadka afduubta kadibna madax furasho ka qaata.
Xafiiska Shabakada Allbanaadir.com
Muqdisho Somalia
Allbanaadir@live.com
