Askari ka tirsan ciidanka Booliska Puntland ayaa lagu dilay caawa magaalada Boosaaso ka dib markii ay weerar gaadmo ah ku soo qaadeen rag bastoolado ku hubeysan.
Goob joogayaal ayaa sheegaya in askariga xilligii Afurka lagu dilay isagoo ku sugnaa goob Qaadka lagu iibiyo oo ku taalla meel u dhow Isgoyska Xalwo Banaadir ee magaalada Boosaaso.
Ciidamo ka tirsan kuwa Booliska Puntland ayaa gaaray goobta dilka uu ka dhacay, iyagoo halkaasi ka qaaday meydka askariga, waxaana ay sameeyen howlgallo baaritaano wallow aan dad loo qaban dilkaas.
Kooxaha dilka geystay ayaa baxsaday ka hor inta aysan goobtaas gaarin ciidamada amaanka, waxaana dilalka noocan ah looga bartay kooxaha Al-shabaab iyo Daacish oo ku xooggan degaano ku dhow Magaalada Boosaaso.
Xafiiska Shabakada Allbanaadir.com
Muqdisho-Somalia
Allbanaadir@live.com
