Ciidanka Kumandoska Soomaaliya ee Danab ayaa howlgalo amniga lagu xoojinayo ka wada Degaanka Bariire oo ka tirsan degmada Awdheegle ee gobolka Sh/hoose oo shalay ay ka saareen xoogaga Al-shabaab oo muddo dheer halkaas maamulayey.
Howlgalkan oo uu hoggaaminayey Taliyaha Ciidanka sida gaarka ah u tababaran ee Danab Gaashaanle C/raxmaan Shiikh Cumar ayaa waxay ciidamadu ku burburiyeen goob ku taala degaankaas oo Al-shabaab ay dadka Shacabka ah uga qaadi jireen lacago lagu sheegay canshuur.
“Ciidanka Geesiyaasha ah ee Danab ayaa wacad ku maray inay sii wadi doonaan howlgalka lagu ciribtirayo Argagixisada dhiigyo cabka ah ee Alshabaab, ayna tagi doonaan Dhulka hoodka ee argagixisada ay ku dhuumanayaan” ayuu yiri Taliyaha ciidanka sida gaarka ah u tababaran ee Danab Gaashaanle C/raxmaan Shiikh Cumar.
Ciidanka gaarka ah ee Danab oo watay Gaadiidka dagaalka ayaa shalay dhowr jiho ka galay Deegaanka Bariire oo Al-shabaab ay u aheyd Saldhig muhiim ah.
Xafiiska Shabakada Allbanaadir.com
Muqdisho-Somalia
Allbanaadir@live.com
