Waxaa beri oo isniin ah lagu wadaa in magaalada Muqdisho ka furmo Shirweynaha Badqabka Fikirka iyo la dagaallanka Xagjirnimada oo ay qabanqaabisay Xukuumadda Soomaaliya uuna maalgelinayo Ururka Iskaashiga Islaamka (OIC) .
Shir-weynaha waxaa ka qeybgalaya 12 wakiillo dowladeed oo xubno ka ah Ururka, 30 caalim oo ka socda wadamada Islaamka iyo 12 ka mid ah culimada diinta iyo aqoonyahanka Soomaaliyeed.
Qaar ka mid ah wakiillada dowladeed, xeel-dheerayaasha iyo khubarada arrimahan ayaa hadal ka jeedin doona shirka oo soconaya 2- maalmood , iyaga oo diiradda ku saari doona ujeeddooyinka iyo farriimaha ku qotoma badqabka fikirka iyo la dagaalanka xagjirnimada.
Shirweynahan beri ka furmaya magaalada Muqdisho ayaa noqonaya kii ugu horeeyay oo nuuciisa ah kana qeyb galaan culumo kala duwan oo ka kala socota Dalalka Islaamka oo lagu qabto magaalada Muqdisho.
Xafiiska Shabakada Allbanaadir.com
Muqdisho-Somalia
Allbanaadir@live.com
