Wasiiru dowlaha Arrimaha Dibadda iyo Iskaashiga Caalamiga, Mudane Cabdulqaadir Axmed-kheyre Cabdi, ayaa Nuqul ka mid warqadaha aqoonsiga danjiranimo uga guddoomay maanta xafiiskiisa danjire Choi Yeonghan, Safiirka cusub ee dalka koonfurta Kuuriya u fadhin doona Soomaaliya.
Intii qaabilaadda lagu guda-jiray, Wasiiru dowle Cabdulqaadir iyo Danjire Choi waxa ay ka wada hadleen xiriirka laba geesoodka ee labada dal ee saaxiibada ah u dhexeeya iyo qaabkii lagu xoojin lahaa, laguna horumarin lahaa iskaashi dhinacyo badan leh.
Dowladaha Koonfurta Kuuriya iyo Somalia ayaa waxaa ka dhexeeya xiriir soo jireen ah oo dhinacyo badan taabanaya, iyadoo koonfur Kuuriya ay dalka horey uga fulisay mashaariic fara badan.
Xafiiska Shabakada Allbanaadir.com
Muqdisho-Somalia
Allbanaadir@live.com
