Warar lagu kalsoonaan karo oon helnay ayaa sheegaya in diyaaradii Ethiopian Airlines ee maanta ku bur burtay duleedka magaalada Adis Ababa ay la socdeen muwaadiniin Soomaaliyeed oon wali tiradooda rasmiga ah laheyn.
Dadka la xaqiijiyay in diyaarada la socdeen waxaa kamid ah Cabdishakuur Maxamed Cabdulle (Shahaad) oo kamid ahaa shaqaalaha sare ee xafiiska Ra’isul Wasaaraha gaar Xukuumada Soomaaliya Xasan Cali Kheyre.
Dad ehel la ah Cabdishakuur Shahaad ayaa noo sheegay in uu ka yimid Qaarada Yurub uuna kusoo jeeday magaalada Muqdisho oo maalmihii lasoo dhaafay howlo uga maqnaa.
Dadkii saarnaa Diyaarada Ethiopian Airlines oo gaarayay 157-qof ayaa loo badinayaa in ay shilka ku dhinteen, waxaana la filayaa in dowlada Ethopia war rasmi ah kasoo saarto shilkan diyaaradeed iyo khasaaraha ka dhashay.
Waxii Warar ah ee kusoo kordha shilkan kala soco Wararkayaga Dambe Insha Allah
Xafiiska Shabakada Allbanaadir.com
Muqdisho-Somalia
Allbanaadir@live.com
