Madaxweynaha dalka Mareykanka Donald Trump, ayaa amar rasmi ah ku bixiyay in baaritaano qoto dheer lagu sameeyo saxiixyada Madaxweynihii ka horreeyay Joe Biden, kaddib shaki uu ka qaaday saxiixyada Madaxweynihii hore sameyn jiray.
Donald Trump , ayaa ku eedeyay Madaxweynihii hore ee Mareykanka Joe Biden inuu saxiixyada u adeegsaday robot-ka awoodda u leh in la baro saxiixa qof , si uu shaqadaa u qabto una adeegsado Madaxweynaha saxiixyadiisa.
Madaxweyne Trump wuxuu sheegay waraaqaha ka soo baxa xafiiska Joe Biden , inuusan gacan ku saxiixi jirin oo uusan lahayn awooddaa saxiixyada , taa beddelkeedana uu adeegsaday robot-ka, waxa uuna amray in arrintan baaritaan lagu sameeyo.
Amarkan uu bixiyay Madaxweyne Trump ee ku aadan in la baaro saxiixyada Joe Biden, ayaa hadal heyn badan ka abuuray gudaha Mareykanka, waxaana arrintan dhaleeceeyay siyaasiyiin katirsan xisbiga Dimuquraadiga oo ku tilmaamay arrin laga xumaado.
Xafiiska Shabakada Allbanaadir.com
Muqdisho Somalia
Allbanaadir@live.com
