Hoggaamiyaha kacaanka dalka Iran Ayatullah Sayyid Ali Khamenei ayaa sheegay in Iran iyo Pakistan ay qaadi doonaan tallaabooyin wadajir ah oo wax ku ool ah si wax looga qabto tacadiyada maamulka Israa’iil ka geysanayo Marinka Gaza.
Kulan uu Magaalada Tehran kula qaatay Ra’iisul-wasaaraha Pakistan Muxamed Shehbaz Sharif, ayuu ka sheegay in Pakistan xil gaar ah ka saaran yahay xaaladaha dalka Islaamka ah oo Falastiin qayb ka tahay.
Ayatullah Khamenei ayaa bogaadiyay in la soo afjaray colaadii muddooyinkaan ka dhex aloosnayd dalalka akistan iyo India, isagoo rajo ka muujiyey in labada wadan ay gaaraan xal kama dambays ah.
Ra’iisul-wasaaraha Pakistan Muxamed Shehbaz Sharif, ayaa xusay in dalkiisu uu jiho wanaagsan ka taagnaa qadiyadda Falastiin isla markaana uu marwalba dedaal ku bixinayo sidii madaxbanaanidooda loo ilaalin lahaa.
