Dalalka ciidamadu ka joogaan Soomaaliya ayaa muujiyay niyad jab xooggan oo ay ka qabaan maalgelin la’aanta howlgalka xasillinta Soomaaliya, iyagoo dalbaday in la bixiyo $93.8 milyan oo ah mushaharka iyo kharashaadka la xiriira ciidamadaasi.
Dalalkan ayaa ka digay in deymaha is biirsaday ay khatar gelinayaan kalsoonida iyo joogitaanka ciidamadooda ku sugan gudaha Soomaaliya
Deymaha la xiriira mushaaraadka iyo kharashaadka ciidamada ee laga leeyahay howlgalka hore ee ATMIS ayaa gaaraya $93.9 milyan. Lacagahan ayaa lagu leeyahay muddada u dhaxaysa 2022 ilaa 2024
Quburo dhanka amniga ah ayaa sheegay in deymahan ay saameyn weyn ku yeesheen howlgalka iyadoo la filayo in arrintan si qoto dheer looga doodo shir dhowaan ka dhici doona magaalada Doha ee dalka Qatar Shirkaas waxaa isugu imaanaya Qaramada Midoobay iyo beesha caalamka
Ujeeddada shirka ayaa ah in laga gaaro xal ku saabsan maalgelinta howlgalka AUSSOM, gaar ahaan kaddib markii Dowladda Mareykanka ay diidday inay maalgeliso
Mareykanka ka soo horjeesatay qaraar uu Golaha Ammaanka ee Qaramada Midoobay ansixiyay kaasi oo qeexayay habka maalgelinta cusub ee howlgalka xasillinta Soomaaliya
