Golaha Ammaanka ee Qaramada Midoobay ayaa la filayaa in uu cod u qaado hirgelinta qaabka maalgelinta (hybrid) ee lagu taageerayo Hawlgalka Taageerada iyo Xasilinta Midowga Afrika ee Soomaaliya (AUSSOM) kaasoo beddelay ATMIS
Qaabkan isku darka ah ee loo yaqaan (hybrid) ayaa lagu qeexay Qaraarka 2719 oo la ansixiyay bishii Diseembar 2023, wuxuuna dhigayaa in Qaramada Midoobay ay bixiso 75% kharashka hawlgalka halka 25% ay ka timaado Midowga Afrika iyo deeq-bixiyeyaasha kale
Hirgelinta AUSSOM ayaa lagu wadaa in si rasmi ah loo bilaabo bisha Luulyo 2025
Mareykanka ayaa ka digay in hirgelinta degdegga ah ee qaabka (hybrid ) ay suuragal ka dhigi karto in Qaramada Midoobay ay bixiso in ka badan 90% kharashka hawlgalka taasoo ka baxsan xadka la isla ogolaaday
Mareykanka wuxuu soo jeediyay in la sameeyo waxa loo yaqaan (bridging mechanism) oo labo sano ah si loo dhamaystiro qaab-dhismeedka iyo xalinta caqabadaha miisaaniyadda howlgalka AUSSOM
Dhanka kale, Midowga Yurub iyo dalalka la isku dhaho “A3 plus” (Algeria, Mozambique, Sierra Leone, Guyana) ayaa si xooggan u taageersan hirgelinta degdegga ah, iyaga oo ka digay in dib u dhaca uu carqaladeyn karo howlaha xasilinta Soomaaliya
Go’aanka la filayo ee Golaha Ammaanka wuxuu si toos ah u saameyn doonaa mustaqbalka hawlgalka AUSSOM iyo dadaallada lagula dagaallamayo argagixisada Haddii la ansixiyo maalgelinta joogtada ah ayaa loo heli doonaa hawlgalka, balse haddii la diido ama dib loo dhigo, waxaa jiraya cabsi ah in hawlgalka uu wajaho caqabado dhaqaale, taasoo wiiqi karta howlgallada nabad ilaalinta Soomaaliya
