Qaar ka mida musharixiinta u taagan doorashada Madaxweynaha Maamulka Koonfur Galbeed ee Soomaaliya ayaa qoraal ay soo saareen ku sheegay inay ka horjeedaan dib u dhaca markii saddexaad lagu sameeyay xilligii Doorashada
Musharaxiinta kala ah, Mukhtaar Roobow Cali, Aadan Maxamed Nuur (Saransoor) iyo Ibraahim Macalin Nuur ayaa sheegay inaan laga talogelin dib u dhigista Baarlamaanka, waxayna intaas ku dareen iney ka walaacsan yihiin madax bannaanida Guddiga Doorashada oo faragelin kala kulmaya madaxda KMG ah ee Koonfur Galbeed.
Waxay dalbadeen in dib loo celiyo ciidamada dowladda Soomaaliya geysay magaalada Baydhaba, iyadoo xilliga la qabanayo doorashada ay dhici karto in dowladda federaalka ay si musuq ah doorashada ugu shubto musharaxa ay wadato.
Xafiiska Shabakada Allbanaadir.com
Muqdisho Somalia
Allbanaadir@live.com
