Degaanka Ceelasha Biyaha ee duleedka magaalada Muqdisho ayaa waxaa goor dhaweyd lagu dilay nin ganacsade ahaa.
Dilka ayaa ka dhacay wadadda loo yaqaan Arbacow ee degaanka Ceelasha Biyaha, kadib markii kooxo ku hubeysnaa Bastoolado ay goobtiisa ganacsiga ay ku toogteen marxuumka oo lagu magacaabi jiray Cumar Macow sida dadka degaanku sheegeen.
Ninkan ayaa ahaa Ganacsade Dukaan ku leh degaankaasi, waxaana goobta ka baxsaday kooxdii dilka geysatay, iyadoo aan la ogeyn sababta ka dambeysa dilkiisa.
Waxaa goobta gaaray ciidamada amniga oo baaritaan ka sameeyay ka dib dilka halkaasi ka dhacay.
Magaalada Muqdisho iyo degaanada la xiriira ayaa waxaa ka dhaca dilal qorsheysan oo loo geysanayo dad isugu jira askar,, masuuliyiin iyo shacab.
Xafiiska Shabakada Allbanaadir.com
Muqdisho Somalia
Allbanaadir@live.com
