Golaha Amaanka ee Qaramada Midoobay oo galinka dambe maanta oo Isniin ah kulan yeelanaya, ayaa lagu wadaa in ay kordhiyaan cunaqabateynta saaran kooxda Al Shabaab ee ka dagaallanta qeybo kamid ah dalkeenna Soomaaliya.
Kulanka ay yeelanayaan Golaha Ammaanka ayaana la filayaan in ay ugu codeeyaan qaraar qabyo ah oo lagu kordhinayo muddada cunaqabateynta la saaray kooxda Al-Shabaab, iyadoona mudadii hore ay hadda gebogabo ku dhawdahay.
Golaha Ammaanka ee Qaramada Midoobay ayaa sidoo kale u codeenaya in mar kale la cusbooneysiiyo howlgalka guddiga khubarada (PoE), kuwaas oo iyana ka caawiya guddiga loo xil saaray cunaqabateynta Al-Shabaab.
Qaraarkan la doonayo in Al Shabaab cunaqabateynta saaran lagu kordhiyo waxaa soo diyaarisay dowladda Ingiriiska. Golaha Ammaanka ayaa sidoo kale maanta  cusbooneeysiin doonaa howlgalka ilaalada xeebaha, gaar ahaanna soo dejinta hubka sharci darrada, dhoofinta dhuxusha, iyo manuucidda walxaha qarxa.
Xafiiska Shabakadda Allbanaadir.com
Muqdisho Somalia
Allbanaadir@live.com
