Waxaa Magaalada Muqdisho saaka soo gaaray Wasiirka cusub ee Wasaaradda arrimaha Gudaha Soomaaliya Cabdi Maxamed Sabriye ee uu shalay Magacaabay Ra’iisul Wasaare Xasan Cali Kheyre.
Sabriye ayaa waxaa garoonka dayuuradaha Aadan-Cadde ee magaalada Muqdisho ku soo dhaweeyay Wasiirada Warfaafinta, Isgarsiinta, gudoomiyaha Gobolka Banaadir iyo xubno kale.
Wasiirka cusub ee wasaaradda arrimaha gudaha ayaa la filayaa inuu maalmaha soo socda xilkaas kala wareego Wasiirkii hore ee Wasaaradaas Cabdi Faarax Siciid Juxa, waxaana wasiirka cusub hor yaalla howlo adag.
Sabriye ayaa ka mid ahaa saddex wasiir oo uu shalay magacaabay raisul wasaaraha Somalia kuwaasoo bedelaya wasiiro kale oo xilka laga qaaday.
Xafiiska Shabakada Allbanaadir.com
Muqdisho Somalia
Allbanaadir@live.com
