Ciidamada kumaandooska Danab gaar ahaan Ururka 4-aad Guutada 16-aad ayaa howlgal qorsheesan ay ka fuliyeen degaanka Caliyoow Barow Ee Gobolka Shabeellaha Hoose waxa ay kusoo qabteen sargaal katirsan Al Shabaab.
Saraakiisha ciidamada ayaa sheegay in howlgalkan uu ahaa mid qorsheesan oo lagu baacsanayay dagaalyahanada Al Shabaab ee mararka qaar soo gaara deegaanada katirsan gobolka Shabeelaha Hoose.
Ciidamada Danab ayaa la sheegay intii howlgalka wadeen in ay ku qabteen sargaal la sheegay in Al Shabaab u qaabilsanaa miinooyinka la galiyo deegaanka Caliyoow Baaroow iyo deegaano kale oo ku dhaw dhaw.
Sidoo kale Saraakiisha waxaa ay sheegeen inay howlgalka sii wadi doonaan ilaa iyo inta degaannadaas ay ka saarayaan Al-Shabaab, waxaayna ugu baaqeen Shacabka inay la soo wadaan xogaha ku saabsan Al-Shabaab.
Ciidamada Danab ayaa howlgalo qorsheesan mararka qaar ka fuliya deegaano katirsan gobolada dalka, waxa ayna ciidamadan howlgalkooda marka ay fuliyana kadib dib ugu laabtaan xeryihii ay ka duuleen.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=s59OWj4ctOw&t=1s
