Ciidanka xoogga dalka iyo kuwa maamulka Jubbaland , ayaa maanta howlgal qorsheysan ka fuliyay deegaanno ay ku sugnaayeen dagaallamayaal katirsanaa kooxda Al Shabaab.
Howlgalkan ay ciidanka huwanta ah fuliyeen , ayaa si gaar ah uga dhacay deegaanka Qumbi ee kstirsan gobolka Jubadda Hoose, halkaas ay ku dhuumaaleesanayeen xubno katirsan kooxda Al Shabaab.
Saraakiisha ciidanka hoggaamineysay , ayaa warbaahinta u sheegay in ciidamada godadkii ay ku jireen ugu daateen maleeshiyaad katirsan Al Shabaab, waxa ayna xuseen in khasaaro badan halkaas lagu gaarsiiyay maleeshiyaadka Al Shabaab.
Ciidanka xoogga dalka iyo kuwa daraawiishta maanulka Jubbaland, ayaa muddooyinkii lasoo dhaafay howlgallo ka dhan ah Al Shabaab ka waday deegaanno katirsan gobolka Jubbada Hoose.
