Ciidanka xoogga dalka Soomaaliya ayaa fuliyay howlgal lagu dilay in ka badan 24 xubnood oo katirsan kooxda Al Shabaab, kuwaa oo ku dhuumaaleesanayay deegaan katirsan gobolka Shabeekaha Hoose.
Howlgalkan oo ay fuluyeen ciidanka guutada 7-aad ayaa laga fuliyay deegaanada Kaliga, Libaaxle, Kaxaroow, Doonka iyo Bululoow , waxa ayna ciidamada si gaadmo ugu dul dhaceen xubno katirsanaa Al Shabaab oo weerar argagaxiso qorsheenayay.
Saraakiisha ciidanka ayaa sheegay in howlgalka lagu dilay in kabadan 24 xubnood oo katirsan Al Shabaab , sidoo kale lagu dhaawacay tiro kabadan 30 xubnood, waxaa sidoo kale ciidamada gubeen gaari caasi ah oo ay wateen Shabaabka la weeraray.
Ciidanka xoogga dalka Soomaaliya ayaa fuliya howlgalo gaadmo ah oo ka dhan ah kooxda Al Shabaab, waxaana howlgallo badan oo la fuliyay lagu dilay xubno badan oo katirsanaa kooxda Al Shabaab.
