Sida ay sheegayaan wararka naga soo gaaraya Magaalada Kismaayo ee gobolka Jubada hoose ciidamada Kenya ee ka tirsan AMISOM ayaa gaadiidkooda jiirsiiyey askari ka tirsan ciidamada Jubbaland.
Goob joogayaal ayaa sheegaya in askariga gaariga la jiirsiiyey uu isla goobta ku qurbaxay.
Gaadiidka ay wateen ciidamada Kenya ayaa la sheegay ineysan u joogsan askariga ay jiireen, ayna iska sii wateen socodkooda.
Shacabka magaalada Kismaayo oo dhacdadan hadal hayey saacadihii la soo dhaafay ayaa si weyn uga carooday falkaas, iyadoo maamulka Jubbaland aysan ka hadlin arrintan.
Ciidamada dalalka badan ka socda ee AMISOM ayaa marar badan geysta gaboodfalo ay kula kacaan Soomaalida, maalmo ka hor ayeyna aheyd markii ciidamada AMISOM ay afar qof oo shacab ah ku dileen Muqdisho ka dib markii qaraxyo lala beegsaday.
Xafiiska Shabakada Allbanaadir.com
Muqdisho Somalia
Allbanaadir@live.com
