Allbanaadir.com
NEWS

Wasiirka Amniga oo kulan la qaatay Cabdullaahi Bin Salem

Wasiirka Amniga Gudaha Xukuumadda Federaalka Soomaaliya Mudane Cabdullaahi Sheekh Ismaaciil (Fartaag), ayaa la kulmay Danjiraha Dowladda Qatar u fadhiya Soomaaliya Mudane Dr Cabdullahi Bin Salem Al Nuaimi.

Labada masuul ayaa isla soo qaaday arrimo dhowr ah oo ay kamid yihiin xiriirka labada dal, xoojinta taageerada ay siiyaan hey’adaha amniga dalka.

Wasiirka Amniga oo uga mahadceliyey taageeradooda, ayaa sheegay in dowladda Qatar ay tahay saaxiib dhow oo Soomaaliya ka taageerada dhinacyo kala duwan oo horumarinta dalka ah, iyada oo ay muhiim tahay in Wasaaraddu ay si dhow ugala shaqeyso sidii ay usii xoojin lahaayeen taageeradooda ku aaddan hey’adaha amniga ee hoostaga Wasaaradda.

Dowladda Qatar ayaa kamid ah dowladaha sida weyn u taageera Soomaaliya , waxa ayna dowladda ka taageeraan dhinacyo badan sida amniga iyo fulinta mashaariicda horumarineed.

 

Related posts

Beesha Caalamka oo si adag uga hadashay Duqeynta Somaliland ku wado Laascaanood

Cabdi Cade

Ma ubaahantahay in Carruurtaada iyo adiguba barataan Quraanka Kariimka ah, Higaadda & Caqiidada islaamka?

Cabdi Cade

C/Qaadir Barnaamij ”Marxuum Ugaas Xasan wuxuu Rabay inuu Soomaali isku keeno”

Cabdi Cade