Allbanaadir.com
MUQDISHONEWS

Wasiirkii hore ee Arrimaha Dibeda Somalia oo geeriyooday

Guddoomiyaha Golaha Shacabka ee BJFS Mudane Sheekh Aadan Maxamed Nuur (Madoobe) ayaa ka tacsiyadeeyay geerida ku timid Allaha ha u naxriistee Dr. Maxamed Cali Xaamud oo ku geeriyooday Magaaladda Melbourne ee dalka Australia.

Guddoomiye Sheekh Aadan Madoobe ayaa sheegay in Allaha ha u naxriistee marxuum Dr Maxamed Cali Xaamud mudadii uu noolaa uu qeyb weyn oo muhiim ah kasoo qaatay dowlad dhiska Soomaaliya, sidoo kalena uu xilal kala duwan dalka kasoo qabtay.

“Innaa lillaah wa innaa ileehi raajicuun Illaahey ha u naxriisto Dr Maxamed Cali Xaamud oo runtii dalka taariikh weyn ku lahaa, door weyn oo oo muhiim ahna kasoo qaatay dowlad dhiska Soomaaliya, Rabbi SWT naxriistiisa jano haka waraabiyo dhamaan ehelada, qaraabada iyo guud ahaanba umadda Soomaaliyeedna samir iyo iimaan haka siiyo “, ayuu yiri Guddoomiye Sheekh Aadan Madoobe.

Allah ha u naxriistee Dr Maxamed Cali Xaamud oo ahaa siyaasi rug cadaa ah waxaa mudadii uu noolaa dalka kasoo qabtay xilal kala duwan isaga oo soo noqday Wasiirka Arrimaha Dibadda Soomaaliya.

Related posts

(Sawirro) Shiikh Shariif, Xasan Shiikh, C/raxmaan C/shakuur & xubno kale oo Kismaayo gaaray

Caydiid Ali

 Dugsiga Amiin Quran Online oo fursad waxbarasho oo qaaliya u haya qurbajoogta Soomaliyed iyo Carruurtooda.

Cabdi Cade

Ciidanka dowladda oo nolosha ku qabtay sargaal katirsanaa Al Shabaab (Sawirro)

Cabdi Cade