Allbanaadir.com
NEWS

Shiinaha oo si weyn uga carooday wafdi Somaliland u dirtay Caleemo saar ka dhacay…

Maamulka Somaliland ayaa wafdi u diray ka qeyb galka caleemo saarka hoggaamiyaha cusub ee maamulka Taiwan, kaas oo dhacay 20-kii bishii hore ee May,waxaana tallaabadan Somaliland qaaday ka carooday dowladda Shiinaha.

Dowladda Shiinaha ayaana Taiwan u aqoonsan maamul goboleed katirsan dal weynaha Shiinaha, halka maamulka Taiwan dhankooda sheegtaan in ay yihiin dal madax-bannaan, balse ma heestaan aqoonsiga caalamka .

Afhayeen u hadlay safaarada Shiinaha ku leedahay Soomaaliya ayaa sheegay in maamulka Somaliland u aqoonsan yihiin maamul katirsan Soomaaliya, waxa uuna meesha ka saaray sheegashada in ay yihiin dal madax-bannaan.

“Shiinaha uma arko Somaliland dal, wuxuuna raacsan yahay xaqiiqada aas-aasiga ah ee ah in Somaliland ay ka tirsan tahay dhulka Soomaaliya,” ayuu yiri afhayeenka safaaradda Shiinaha ee Soomaaliya.

Waxa uu sheegay afhayeenka in Taiwan sidoo kale tahay dhul katirsan dalka Shiinaha, waxa uuna xusay in waddamada caalamka intooda badan ay ogyihiin in Taiwan tahay dhul katirsan Shiinaha aysana aheyn dowlad.

Maamulada Somaliland iyo Taiwan oo labaduba doonaya in ay ka go’aan Soomaaliya iyo Shiinaha ayaa leh xiriir dhaw, waxaana labada dhinac marar kala duwan tagay wafuud labada maamul kala matalayay.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Ahlu Sunna oo Dib u celisay Gaadiid dagaal oo ka qabsadeen Ciidanka Dowlada (Sawirro)

Cabdi Cade

Booliiska Somaliland oo gacanta ku dhigay labo nin oo baxsad ahaa oo dil geestay

Cabdi Cade

Wararkii Ugu Dambeeyay Banaan baxyada Muqdisho iyo Ciidamada oo awood adeegsaday

Cabdi Cade
Taboola Ads ---