Itoobiya ayaa shaacisay xiliga ay bilaabayso iney fiisayaal bilaash ah garoonka ku siiso isla marka ay soo degaan dhamaanba shucuubta Afrika.
Bisha Nofembar ee soo socota 9-keeda ee sanadkan sii dhamaanaya 2018 ayey bilaabaneysaa in shucuubta Afrika ay Vise la’aan u dhoofaan dalkaas sida uu xaqiijiyay Agaasinka Guud ee xafiiska Wasiirka Koowaad.
Fitsum Arega ayaa tillaabadani ku tilmaamay mid la jaan qaadaysaa aragtida raisul wasaaraha dalkaas Abiy Axmed ee ku dhisan Iskaashiga iyo wax wada qabsi dhow oo dhexmara Afrika.
Dadka wata baasaboorka Soomaaliga ah ayaa ka mid ah dadka ka faaideysan doona talaabadan, kuwaasoo horey dhibaato badan ugu qabay helitaanka viisaha Itoobiya.
Xafiiska Shabakada Allbanaadir.com
Muqdisho Somalia
Allbanaadir@live.com
