Ciidamo katirsan ilaalada Madaxweynaha dowlad goboleedka Puntland ayaa dhimasho iyo dhaawac kasoo gaaray shil gaari oo ka dhacay halka loo yaqaano dalcada karin-dhiig ee gobolka Nugaal .
Inta la xaqiijiyay afar askari oo katirsan ciidamada ilaalada Madaxweynaha Puntland ayaa shilkan ku geeriyooday halka lix kalana ku dhaawacmeen, askarta dhaawacantay ayaana loola caray isbitaal kuyaalla magaalada Garawe.
Ciidamadan ilaalada Madaxweynaha Puntland ayaa kasoo dhaqaaqay magaalada Boosaaso iyagoona kusii jeeday magaalada Garawe, waxaana Madaxweynaha wali joogaa Boosaaso halkaas oo la filayo in diyaarad uga soo raaco Garawe.
Shilalka gaadiid ayaa kusoo badanaya wadooyinka deegaanada Puntland, waxaana la diiwaan geliyay bilihii lasoo dhaafay dhimasho dad badan oo isugu jira shacab iyo ciidan ku geeriyooday shilal gaari.
Xafiiska Shabakada Allbanaadir.com
Muqdisho Somalia
Allbanaadir@live.com
