Al-shabaab ayaa soo bandhigtay Diyaarad Drone ah, gaar ahaan nooca wax basaasa oo kusoo dhacday degaan ka mida Gobolka Hiiraan oo u dhow degmada Buuloburte.
Diyaaradan oo ay ku xiran yihiin Kaamerooyin waaweyn ayaa sawirro Alshabaab kasoo qaadeen oo la faafiyey ay muujinayaan inay iskeed u dhacday, iyadoo aan la ogeyn cidda leh.
Wararka qaar ayaa sheegaya in Diyaaradan ay leedahay dowladda Mareykanka, iyadoo isla markii ay Dhulka kusoo dhacday ay la wareegeen Alshabaab.
Diyaaradaha Drone ee wax basaasa ayaa ka howlgala Koonfurta Soomaaliya, gaar ahaan degaanada ay ku sugan yihiin Alshabaab, waxayna hore Alshabaab u soo bandhigtay qaar ka mida oo kusoo dhacay degaanada ay ka taliso.
- Advertisement -
