Dowladda Uganda ayaa soo saartay amar ku socda shaqaalaha kala duwan ee dowladda, waxaana la faray in ay sameeyaan jimicsi joogto ah si ay u dhimaan miisaankooda ugana taxadaraan caafimaadkooda.
Amarkan ku socda shaqaalaha dowladda Uganda oo lagu xusay warqad dowladda kasoo baxday loona qeybiyay hay’adaha dowladda ayaa lagu sheegay in tani ay caawineyso badqadka shaqaalaha ayna yareyneyso cudurrada.
Dowladda ayaa sheegtay jimicsiga iyo aalmiitada qofka sameeyo ay wax badan ka tareyso bad-qabka caafimaadka qofka, loogana baahan yahay shaqaalaha in nafsadooda ka taxadaraan ayna sameeyaan jimicsiga .
Madaxa adeegga dadweynaha ee dalka Uganda, Lucy Nakyobe ayaa qoraalka ay dirtay ku sheegtay in jimicsiga miisaanka lagu dhimayo caawin doonaan badbaadinta nolosha shaqaalaha iyo dhimista cudurada culeyska ka dhasha
Amarkan cusub ee kasoo baxay dowladda Uganda ayaa imaanaya kaddib markii qiimeyn qaran oo la sameeyay ay muujisay in heerka cayilka dalkaasi uu kor uga kacay 17% ilaa 26% 17-kii sano ee lasoo dhaafay.
Xafiiska Shabakada Allbanaadir.com
Muqdisho Somalia
Allbanaadir@live.com
