Taliska Qeybta Guud Boliiska gobolka Banaadir ayaa sheegay iney soo xireen nin ku eedeeysan nin maalmo ka hor fal dil ah ka geystay magaalada Muqdisho.
HOOS KA AKHRISO QORAAL KOOBAN OO KA SOO BAXAY BOOLISKA
Taliska Qeybta Guud Boliiska G.Banaadir gaar ahaan ciidanka saldhigga boliiska degmada Deyniile ayaa gacanta kusoo dhigay eedeysanaha sawirkiisu hoos idinkaga muuqdo, kaasoo ku eedeysan in uu xabad ku dilay muwaadin Soomaaliyeed 12/02/2024.
Baadi goob dheer kadib waxaa ciidanka boliiska u suura gashay in gacanta lagu soo dhigo, waxaana la hor geyn doonaa maxkamadda awoodda u leh hadduu alle idmo.
Haddaba muwaadin, haddii aad aragtid fal amniga liddi ku ah warbixin geey saldhigga kuugu dhow ama wac lambarka gaaban ee 991.
DHAMMAAD
