Dagaalyahano katirsan Al Shabaab ayaa xalay magaalada Muqdisho waxa ay ku dileen nin ay ku eedeeyeen in uu kamid ahaa Ergooyinkii soo doortay Xildhibaanada Golaha Shacabka Soomaaliya.
Al Shabaab ayaa sheegatay in dagaalyahanadooda ka dambeeyeen dil degmada Wadajir loogu geestay Maxamed Cali Feeldheer, War kasoo baxay Al Shabaab ayaana lagu sheegay in ninkan kamid ahaa Ergadii Xildhibaanada kusoo dooratay Cadaado.
Ciidamo katirsan booliiska Soomaaliya ayaa gaaray goobta lagu dilay Maxamed Cali Feeldheer, waxaana goobta dilku ka dhacay inta aysan ciidamadu gaarin isaga baxsaday ragii dilkaasi fuliyay.
Al Shabaab ayaa marar badan sheegatay masuuliyada dilal loo geestay xubno kamid ahaa ergooyinkii Xildhibaanada Golaha Shacabka kusoo doortay xarumaha maamul goboleedyada dalka.
Xafiiska Shabakada Allbanaadir.com
Muqdisho Somalia
Allbanaadir@live.com
