Madaxweynaha Jamhuuriyadda Federaalka Soomaaliya Dr. Xasan Sheekh Maxamuud oo casho sharaf ku maamuusay Xildhibaanada labada Aqal ee Baarlamaanka dalka ayaa ku bogaadiyay doorkooda taariikhiga ah ee ay ka qaateen ilaalinta midnimada iyo madax-bannaanida qaranimada dalka soomaaliyeed.
Madaxweynaha ayaa xildhibaanada warbixin ka siiyay xaaladda guud ee dalka, dagaalka ka dhanka argagixisada iyo qorshaha dowladda ee ka hortagga xad-gudubka dowladda Itoobiya ee madax-bannaanida dalka iyo difaaca dhulka Soomaaliyeed.
Madaxweyne Xasan Sheekh ayaa sheegay inay u dhiman doonaan difaaca dhulkii aabaayaasheen iyo awoowayaasheena isagoo xor ah uga tageen aysana jirin wax ay ku bedelan doonaan.
“Dhulkii aan ka dhaxalnay aabayasheen iyo awoowayasheen ee isagoo xor ah ay nooga tageen ayna diideen in ay taako ka mid baxshaan, anagana waa u dhimaneynaa, si jiilalka dhalan doona, aan uga tagno isagoo xor ah” ayuu yiri Madaxweynaha
HOOS KA DAAWO SAWIRADA XAFLADA IYO KHUDBADA MADAXWEYNAHA
