Wararka naga soo gaaraya degmada Buuloburde ee Gobolka Hiiraan ayaa waxaa ay sheegayaan in xaafadaha qaar ee degmadaasi oo ku fatahay wabiga shebeelle oo dhexmara degmadaasi.
Xafadaha Bogabeyso, Indhaceel, Wadajir iyo Xaajibuube ayuu karkaarada ka jabsaday Wabiga oo dhowrkii maalmood ee lasoo dhaafay waday Biyo aad u farabadan.
Waxaa laga cabsi qabaa inuu fatahaad hor leh  ka sameeyo wabiga xaafadaha Hanti-wadaag iyo October oo aan waligod biyo gaarin.
Buundada degmada Buuloburde ayaa halis ugu jirto inay go’do maadaama Biyuhu buux dhaafiyeen, waxaana shacabka ay isticmaalayaan Doomaha Matoorka ah.
Gudaha magaalada ayaa la soo sheegayaa inuu ka bilowday barakac aad u baahsan oo ay sameynayaan dadka degaaanka, kuwaasoo deegaansanaya dhulka taagga ah si ay fatahaada uga bad badan
Wabiga shabeelle ayaa sidaan oo kale waxa uu fatahaad uga sameeyay Magaalada Beledweyne, halkaasoo ay ka barakaceen inta badan dadkii daganaa, sidoo kale gobolada Gedo, Baay iyo Bakool ayuu wabiga ku fatahay waxaana dhammaan degaanada ka jiri xaalado adag oo dhinaca nolosha ah.
HOOS KA DAAWO SAWIRADA
