Guddoomiyaha golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) iyo wafdi uu hoggaaminaayo ayaa safar shaqo ugu amba baxay magaalada Roma ee dalka Talyaaniga.
Aadan Madoobe iyo wafdigiisa oo casuumaad rasmi ah ka helay dhigiisa Talyaaniga ayaa inta ay ku sugan yihiin magaalada Roma waxaa ay kulamo la qaadan doonaan Guddoomiyaha Baarlamaanka Talyaaniga iyo hoggaanka kale ee dalkaas.
Guddoomiyaha golaha Shacabka Soomaaliya ayaa ka dalban doona madaxda dalka Talyaaniga uu la kulmo xoojinta xiriirka labada dal iyo sidii dowladad Talyaaniga taageero u siin laheyd baarlamaanka Federaalka Soomaaliya.
Dowladda Talyaaniga oo horey usoo gumeysatay Soomaaliya ayaa kamid ah dowladaha taageera dowladda Soomaaliya, waxa ayna Talyaaniga marar kala duwan dalkooda ku casuumeyn madax katirsan dowladda Soomaaliya.
