Sida ay sheegayaan Wararka laga helayo magaalada Muqdisho dilal kala duwan ayaa ka dhacay saaka laba ka mida degmooyinka Gobolka Banaadir.
Dilka hore ayaa ka dhacay agagaarka dalcadda Cabdi Qaasim ee Degmada Hodan, iyadoo halkaasi ay koox hubeysan ku toogteen nin la sheegay inuu u shaqeeyo shirkada isgaarsiinta SOMTEL waxaana magaciisa lagu sheegay Maxamuud Cabdi Maadhiin.
Kooxdii dilka gaysatay ayaa la sheegay inay degdeg uga baxsadeen goobta, waxaana markii danbe halkaasi tegay ciidamada amniga oo ka qaaday meydka qofka la dilay oo ahaa nin meel dhexaad ah.
Dhinaca kale waxaa saaka dil kale uu ka dhacay Xaafadda Baar Ubax, gaar ahaan Masjidka Xareed dhinaca suuqa bakaaraha, iyadoo halkaasi lagu dilay nin dhalinyaro ah.
Dilka ninkan ayaa la sheegay inay geysteen koox burcad ah oo dooneyay inay ka dhacaan Taleefan Mobile ah oo uu watay sida dad goob joogayaal ah ay sheegayaan.
Xafiiska Shabakada Allbanaadir.com
Muqdisho Somalia
Allbanaadir@live.com
