Taliska ciidanka Booliska gobolka Banaadir ayaa sheegay iney gacanta ku dhigeen nin dokumentiyo been abuur ah lacag uga qaadayey qaar ka mid ah shacabka degmada Dharkeynley ee magaalada Muqdisho
HOOS KA AKHRISO QORAAL KA SOO BAXAY TALISKA GOBOLKA BANAADIR
Taariikhdu markey ahayd 26/7/2023 abaaro saacaduna ahayd 14:30pm Taliska Qeybta Guud Ee Boliiska G/ banaadir gaar ahaan Saldhiga Boliiska dharkeynleey ayaa gacanta kusoo dhigay eedeysane iyo dukumentiyo been abuur ah oo loo ekeesiiyey kuwa dowladdu ugu adeegto bulshadda isla markaana uu eedeysanuhu dadweynaha u qeybinayey lacago sharci daro ahna uga bedelanayey warqahaas been abuurka ah, Waxaana la hor geyn donaaa caddaalada.
Muwaadin haddii aad aragto fal amniga liddi ku ah warbixin la wadaag saldhigga kuugu dhow ama wac lambarka gaaban ee 991
