Dhulgariir cabirkiisu yahay 6.4 ayaa ku dhuftay jasiiradda Java ee dalka Indonesia fiidnimadii xalay.
Waxaa ku dhaawacmay ugu yaraan 10 qof, halka hal qof uu ku dhintay looga shakisan yahay inuu u geeriyooday wadno-xanuun intii uu socday dhulgariirka, sida ay sheegtay hay’adda ka hortagga masiibooyinka ee dalkaas (BNPB).
Dhulgariirka ayaa sababay burbur yar oo soo gaaray boqolaal guri, xafiisyada qaar, xarumaha caafimaadka iyo waxbarashada oo ku kala firirsan gobolka Yogyakarta iyo bartamaha gobolka Java sida uu sheegay afhayeenka heyadda BNPB Abdul Muhari ayaa u sheegay wakaalada Wararka ee Reuters
Wakaaladda geophysics-ka ee Indonesia (BMKG) ayaa sheegtay in dhulgariirkan oo ku dhuftay dhul dhan 25 km (15 miles) laga dareemay magaalooyin dhowr ah oo ka tirsan gobolka Yogyakarta iyo sidoo kale bariga iyo bartamaha Java oo ah jasiiradda ugu dadka badan Indonesia. Wax digniin ah oo tsunami ah lama soo saarin.
Indonesia, oo ku taalla Koonfur-bari Aasiya, waxay ku dhegtaa waxa loogu yeero “Ring Pacific of Fire”, oo ah aag aad ugu firfircoon dhulgariirada halkaasoo taarikada kala duwan ee qolofta dhulka ay ku kulmaan , kana dhaliyaan tiro badan oo dhulgariir iyo volcano ah.
