Dagaal khasaaro dhimasho iyo mid dhaawac dhaliyay oo u dhaxeeyay ciidamo katirsan Booliiska iyo Milatariga Soomaaliya ayaa maanta ka dhacay degmada Kaxda ee gobolka Banaadir .
Wararka aan heleyno ayaa sheegaya in ciidamo katirsan booliiska weerar ku qaadeen bar koontarool oo isbaaro u taalay ciidamo milatariga katirsan, waxaana halkaasi ka dhacay dagaal daqiiqado socday.
Inta la xaqiijiyay labo askari oo katirsan ciidamada dagaalamay ayaa dhintay halka askari kalana uu dhaawac soo gaaray, waxaana goobta lagu dagaalamay la wareegay ciidamada booliiska.
Laamaha amaanka dowlada Soomaaliya ayaan wali ka hadlin dagaalkan ka dhacay degmada Kaxda ee dhax maray ciidamada kawada tirsan dowlada, waxaana goobta dagaalku ka dhacay gaaray saraakiil katirsan ciidanka dowlada.
Xafiiska Shabakada Allbanaadir.com
Muqdisho Somalia
Allbanaadir@live.com
