Madaxweynaha Dowlada Koonfur Galbeed Mudane Cabdicasiis Xasan Maxamed Laftagareen iyo wafdi uu Hogaaminayo ayaa safarka Nabada iyo Udiyaar garowga Wajiga 2-aad ee Dagaalka ku soo gaaray Degmada Buur-Hakaba ee Gobolka Bay sida lagu sheegay qoraal ka soo baxay madaxtooyada Koonfur Galbeed.
Laftagareen oo dayuurad Nooca qumaatiga u kaca ah ku tagay Buur hakaba ayaa waxaa halkaas ku soo dhoweeyey maamulka degmada, saraakiisha ciidamada amaanka ee degmadaas, taliyeyaasha ciidamada Itoobiya iyo qeybaha bulshada.
Dadka soo dhoweeyey Laftagareen ayaa waxaa ku jiray rag iyo haween safaf ku jiray oo intooda badan wejiga ku soo qarsaday afxir ama Facemask, taasoo dad badan ka yaabisay.
Madaxweynaha Koonfur Galbeed Mudane Cabdicasiis Xassan Maxamed Laftagareen  ayaa Daah-furey Dhismaha Gollaha Degaanka Degmada Buur-Hakaba ee Gobolka Bay ka dib kulan ka dhacay xerada ciidamada Itoobiya ee ka tirsan ATMIS ku leeyihiin degmadaas.
