Ciidanka xoogga dalka Soomaaliya gaar ahaan guutada 14-ka Octoobar ayaa howlgal qorsheesan oo ay ka fuliyeen deegaan katirsan gobolka Shabeelaha Hoose ku dilay xubno katirsan kooxda Al Shabaab.
Taliyaha Guutada 14 oktoobar ee Ciidanka xoogga dalka G/le Sare Nuur Maxamed Gaaboow ayaa warbaahinta dowladda u sheegay in howlgal ay ka fuliyeen deegaanka Gumeysidiid ee kuyaalla duleedka Owdhiigle ku dileen shan xubnood oo katirsanaa Al Shabaab.
Waxa uu sheegay taliyaha in ay ciidamada heleen xogta koox katirsan Al Shabaab oo isku aruursaneysay deegaanka Gumeysidiid si ay weerar u geestaan , waxa uuna xusay in ciidanka fashilyeen weerarkaasi ayna dileen xubno katirsanaa Al Shabaab.
Ciidanka xoogga dalka ee ku sugan gobolka Shabeelaha Dhaxe ayaa mararka qaar howlgalo ka fuliya deegaanno katirsan gobolkaasi ay joogaan Al Shabaab, waxaana howlgaladaasi inta badan ciidanka dowladda ka sheegtaan guulo.
Xafiiska Shabakada Allbanaadir.com
Muqdisho Somalia
Allbanaadir@live.com
