Duqeyn ay wadajir u fuliyeen ciidamada Maraykanka iyo Milatariga Soomaaliya 24-kii bishan ayaa lagu diley illaa 13 ka tirsan dagaalyahanada Al-Shabaab sida lagu sheegay War-saxaafadeed ka soo baxay taliska ciidamada Maraykanka ee Qaarada Afrika (AFRICOM).
Qoraalka ayaa waxaa kaloo lagu sheegay in duqeyntan lala beegsaday xero tababar oo Al-shabaab ku leeyihiin koonfurta Somalia.
Maraykanka ayaa intaa ku daray iney sii wadi doonaan duqeynta ay ku hayaan Al-Shabaab iyagoo kaashanaya ciidamada dowlada Soomaaliya.
Laguma xusin qoraalka halka ay ku taallo goobta la duqeeyay iyo qaabka uu howlgalkan u dhacay.
Ciidamada Maraykanka oo saldhigyo qarsoodi ah ku leh Koonfurta Somalia ayaa xoojiyey duqeymaha ay la beegsanayaan Xoogaga Al-shabaab tan iyo markii Donald Trump uu noqday Madaxweynaha Maraykanka.
Xafiiska Shabakada Allbanaadir.com
Muqdisho-Somalia
Allbanaadir@live.com
