Waxaa socda qaban qaabada wadahadal nabadeed oo ay isugu imaanayaan madax katirsan dowladda federaalka Itoobiya iyo xubno katitsan hoggaanka jabhada Oromada ee loo yaqaan OLA.
Maalmaha soo socda ayaa lagu wadaa in dalka Tanzaaniya ka furmo wadahadalka u dhaxeeya xukuumadda Abiy Axmed iyo jabhada Oromada ee dagaalka ka wada qeybo kamid ah gobolada Oromiya.
Ra’iisul wasaaraha Itoobiya, Abiy Axmed, ayaa soo dhaweeyay wadahadalka dowladiisa la fureyso jabhada OLA, waxa uuna sheegay in shacabka Itoobiya u baahan yihiin nabbad ayna diyaar u yihiin in ay galaan wada xaajood.
“Wada xaajoodka Oneg Shene, ayaa maalin ka dib ka bilaabmi doona dalka Tansaaniya, dowladda iyo shacabka Itoobiya waxay aad ugu baahan yihiin geeddi-socodkan wada-xaajoodka, waxaan ka dalbanayaa dhammaan kooxaha inay qaybtooda ka qaataan wada hadalkan” ayuu yiri Abiy Axmed.
Jabhada OLA bayaan ay dhankooda soo saareen ayey ku shaaciyeen in ay diyaar u yihiin wadahadalka ,waxa ayna sheegtay jabhada in dowladda aqbashay shuruudo dhoor ah oo ay ku xirtay wadahadalka nabadeed ay la galayaan.
Xafiiska Shabakada Allbanaadir.com
Muqdisho Somalia
Allbanaadir@live.com
