Ciidamo Gadoodsan oo katirsan Maamulka Puntland ayaa maanta la wareegay Bangiga dhaxe ee magaalada Gaalkacyo, waxa ayna Ciidamada xireen Wadooyinka soo gala iyo kuwa ka baxa xarunta Bangiga.
Sida aan Wararka ku heleyno ciidamadan gadoodsan oo aad u hubeesnaa ayaa hakad galiyay shaqooyinkii kala duwanaa ee ka socday Bangiga, waxa ayna diideen in Bangiga laga baxo ama lasoo galo .
Masuuliyiin katirsan maamulka Puntland iyo saraakiil ciidan ayaa ku baxay gadoodka ay ciidanka amaanka Puntland sameeyeen, waxaana socda dadaalo lagu qancinayo ciidankan si ay uga baxaan xarunta Bangiga Dhaxe ee Gaalkacyo.
Ciidamada maamulka Puntland oo ka cabanayay mushaar la’aan ayaa marar badan sidan oo kale ula wareegay Bangiyo kuyaala magaalooyinka Garawe iyo Gaalkacyo, waxaana inta badan ciidankan lagu qanciyaa in ay helayaan xaquuqdooda ka maqan.
Xafiiska Shabakada Allbanaadir.com
Muqdisho Somalia
Allbanaadir@live.com
