Maamulka Somaliland ayaa shaaciyey iney beri oo Jimco ah tahay maalinta koowaad ee Ciidul Fitriga.
Wasiirka Arrimaha diinta iyo awqaafta ee Somaliland ayaa ka sheegay magaalada Hargeysa in bisha Shawaal laga arkay degaano ka tirsan Somaliland sidaas awgeedna beri laga ciidayo Somaliland.
Sacuudiga iyo dalal kale oo ay ka mid yihiin Turkiga iyo kuwa khaliijka ayaa iclaamiyey iney tahay beri maalin ciid ah, lana arkay bisha Shawaal.
Hase ahaatee dalalka Australia, Indonesia, Malaysia & kuwo kale ayaa sheegay iney beri buuxinayaan 30ka Ramadaan ka dib markii laga arki waayey bisha Shawaal.
Dowlada Somalia ayaan illaa hadda war ka soo saarin iney beri tahay ciid iyo in kale, inkastoo madax ka tirsan dowlada iyo kuwa maamul goboleedyada ay baraha bulshada ku faafiyeenb hambalyada ciidda.
Sidoo kale masaajida magaalada Muqdisho qaarkood ayaa joojiyey salaadii taraawiixda, iyagoo bilaabay takbiirta ciida.
Xafiiska Shabakada Allbanaadir.com
Muqdisho Somalia
Allbanaadir@live.com
