Shirkadda SpaceX ee laga leeyahay dalka Mareykanka ayaa joojisay duullimaadka dayax-gacmeedkii ugu horreeyay ee indha-indheynta dhulka ee Kenya, sababo la xiriira cimilada oo xumaatay.
Agaasimaha gantaalka ayaa joojiyay gantaalka Falcon 9 29 ilbiriqsi ka hor inta aan lagu tuurin saldhiga ciidamada Vandenberg ee California US, waxaana mar kale la isku dayi doonaa beri oo sabti ah, xilli daah-furka labo jeer hore cimilo xumo owgeed u baaqday.
Taifa-1 Satelite-ka Kenya ayaa ka mid ah 51 dayax-gacmeed oo kale iyo baabuurta wareegta ee la qorsheeyay in la geeyo howlgalka 7-aad ee gaadiidka.
Waxaa loo isticmaali doonaa in lagu ururiyo xogta beeraha, dhulka iyo deegaanka. Dayax gacmeedkan ayaa noqonaya kii 50-aad ee ay diraan wadamada Afrika.
Ilaa hadda 14 dal oo qaaradda ku yaalla ayaa hawada sare u diray dayax gacmeed, iyadoo qaar badan oo ka mid ah ay adeegsadeen shirkado ganacsi sida SpaceX.
Xafiiska Shabakada Allbanaadir.com
Muqdisho Somalia
Allbanaadir@live.com
