Magaalada Muqdisho waxaa galabta lagu dilay Haweeney ka dib markii ay rasaas ku fureen rag bastoolado ku hubeysan oo weerar ku soo qaaday
Dilkan ayaa ka dhacay Waaxda Ciise Cabdi ee degmada Dayniile, waxaana gabadhan oo magaceeda lagu sheegay Shugri Cali Mahadalle lagu hor dilay gurigeeda sida ay sheegeen dad goob joogayaal ah
Wararka qaar ayaa sheegaya in haweeneydan ay ka mid aheyd haweenka talaalka wareejiya xaafadaha iyo guryaha, lamana oga ilaa hadda sababta rasmiga ahee loo dilay.
Maamulka Degmada dayniile iyo laamaha amaanka DF ayaan ka hadlin weerarkan lagu dilay haweeneydan, mana jirto cid sheegatay inkastoo falalka noocan ah looga bartay Al-Shabaab.
