Wasiirka Arrimaha gudaha iyo dowladaha Hoose ee Maamulka Hir-Shabeelle Maxamed Cali Caadle ayaa xilalka ka qaaday mas’uuliyiin ka tirsan Maamulka gobolka Hiiraan.
Wareegto uu soo saaray wasiirka ayaa waxaa xilalka looga qaaday guddoomiyaha degmada Jalalaqsi Max’ed Cabdulle Fiidow iyo ku-xigeenadiisii
Sidoo kale waxaa wasiirku uu xilalka ka qaaday Guddoomiye ku-xigeenada maamulada degmooyinka Balad-weyne iyo Maxaas ee Gobolka Hiiraan.
Wasiirka Arrimaha gudaha iyo dowladaha Hoose ee Maamulka Hir-Shabeelle Maxamed Cali Caadle ayaa guddoomiyaha cusub ee degmada jalalaqsi u magacaabay Ibraahim Madoobe Nuur.
Masuuliyiinta kale ee xilalka laga qaaday, lama magacaabin weli masuuliyiintii bedeli laheyd, mana cadda sababta keentay isbedelka lagu sameeyey xubnaha ka tirsanaa maamulka gobolka Hiiraan.
Xafiiska Shabakada Allbanaadir.com
Muqdisho Somalia
Allbanaadir@live.com
