Shaqaalaha iyo ciidamada maamulka Puntland ayaa ka cabanaya mushahar la’aan ba’an oo soo food saartay dhowrkii bilood ee u dambeeyey
Madaxweynaha Puntland Saciid C/llaahi Deni ayaa ku fashilmay bixinta xuquuqda shaqaalaha iyo ciidamada.
Deni ayey xog lagu kalsoon yahay sheegeysaa in dhaqaalihii khasnadda dowladda uu isticmaalay barnaamijka diiwaan-gelinta doorashooyinka lagu muransan yahay ee laga wado Puntland.
Shaqaalaha iyo ciidamada qaarkood ayaa xaqiijiyay inaysan mudda dheer qaadan wax mushahar iyo xuquuq ah isla markaana qofkii cabasho gudbiya shaqada laga cayrinayo.
Madaxweyne Deni ayaa Maamulkii ka horeeayay ee Cabdiweli Gaas ku dhaliili jiray inaysan si joogta ah u bixin xuquuqda shaqaalaha iyo ciidamada.
