Madaafiic ayaa caawa lagu garaacay qeybo ka mid magaalada Baledweyne ee gobolka Hiiraan kuwaasoo daryankooda laga maqlay xaafadaha magaaladaas.
Goob joogayaal ayaa sheegay iney maqleen dhawaqa illaa afar madfac oo ah kuwa loo yaqaano hoobiyeyaasha
Mid ka mid ah madaafiicdaas ayaa ku dhacay Xaafada Buundaweyn gaar ahaan agagaarka Xabsiga dhexe ee magaalada Baledweyne halka Saddexda kalena ay ku dhaceen laanta Nuur xawaad oo ka tirsan Xaafada Xaawa taako
Lama soo sheegin illaa hadda wax khasaaro ah oo ay geysteen madaafiicda caawa ku dhacday qeybo ka mid Xaafadaha Baledweyne
Laamaha amaanka magaalada Baledweyne ayaan ka hadlin madaafiicda Caawa ku dhacday magaaladaas oo la aaminsan yahay iney ka dambeeyeen kooxda Al-shabaab oo laga saaray bilihii la soo dhaafay inta badan degmooyinka iyo degaanada hoos yimaada gobolka Hiiraan iyo gobolada la deriska ah.
