C/raxmaan Xuseen Wardheere oo Al-Shabaab ay ugu yeeri jireen Bilaal ayaa sheegay inuu muddo 12 sano ka mid ahaa kooxdaas.
Inta badan dhalinyaradda iyo saraakiisha ku jirta Al-shabaab ayuu C/raxmaan sheegay inaysan qanaaco ku qabin, isagoo ugu baaqay in ay ku soo biiraan dowladnimada, kana faa’ideystaan cafiska Madaxweynaha iyo barnaamijka dadkaaga kamid noqo ee wasaaradda amniga.
C/raxmaan Xuseen Wardheere, ayaa dowladda Soomaaliya ugu mahadceliyay sida loo soo dhaweeyay, wuxuuna ka sheekeeyay sidii uu u soo baxsaday.
Waxaa uu sheegay C/rxamaan Xuseen Wardheere inuu ka qoomameynayo, uuna ka xun yahay dhibaatadii loo geystay shacabka Soomaaliyeed mudaduu uu ka mid ahaa al-Shabaab, isaggoo cafis weydiistay shacabka.
C/rxamaan Xuseen Wardheere Bilal, ayaa sheegay in farqi weyn uusan u dhexeynin Alshabaab iyo daacish, hase yeeshee waxaa ay isku hayaan ay tahay xukun iyo maamul.
Xafiiska Shabakada Allbanaadir.com
Muqdisho Somalia
Allbanaadir@live.com