Madaxweynaha Dowladda Hirshabeelle Mudane Cali Guudlaawe ayaa maanta kulan kula qaatay Magaalada Muqdisho Safiirka Modowga Yurub ee Soomaaliya Danjire Tina Intelmann.
Madaxweynaha iyo Danjiraha ayaa ka wadahadlay Arrimaha amniga, gaar ahaan howlgallada baahsan ee kooxda khawaarijta alshabaab looga xureynayo deegaanada Hirshabeelle oo guulo muhiim ah laga gaaray.
Sidoo kale Kulankaan ayaa sidoo kale looga hadlay kor u qaadida mashaariicda horumarinta iyo muhiimada ay leedahay in deegaanada la xureeyay laga fuliyo barnaamijyada xasilinta si ay bulshado u hesho adeegyada aasaasiga ee muhiimka u ah Dowladda.
Inta badan degaanada hoos taga gobolada Hiiraan iyo Sh/dhexe ayaa laga saaray Al-shabaab ka dib kacdoon ay sameeyeen shacabka goboladaas oo taageero ka helaya ciidamada dowlada Soomaaliya.
Madaxweyne Cali Guudlaawe oo arrintaas ka faa’iideysanaya ayaa mudooyinkan xoojiyey kulamada uu la leeyahay danjireyaasha dalalka reer galbeedka u jooga Somalia iyo wakiilada beesha caalamka, isagoo ka raadinaya taageero dheeraad ah.
Xafiiska Shabakada Allbanaadir.com
Muqdisho Somalia
Allbanaadir@live.com
